Berekraft

Myklebust Verft ønskjer å være ei bedrift som oppnår økonomisk vekst og lønnsomheit gjennom berekraftige løysingar for tilsette, kundar, leverandørar og lokalsamfunnet. Vi trur at nøkkelen til suksess ligg i openheit og tett samarbeid med dei rundt oss. Gjennom vår berekraftsstrategi og -rapport ønskjer vi å dele innsikt, legge til rette for openheit og gi muligheiter for påverking til alle våre interessentar. Ein viktig del av berekraft er å vere tydelig på mål, krav og forventningar til alle relasjonar organisasjonen er ein del av.

 

 

 

Openheit

Myklebust ynskjer å bidra til ei verdikjede som respekterer anstendige arbeidsforhold og grunnleggande menneskerettar. Openheitslova tredde i kraft 1. juli 2022, og stiller krav til at bedrifter gjennomfører aktsemdsvurderingar for å avdekke og eventuelt unngå negative konsekvensar i eiga verksemd, i leverandørkjeda eller blant andre forretningsforbindelsar.

HMS

Myklebust Verft sin HMS-politikk skal settast inn i ein samanheng som gjer verksemdene våre til arbeidsplassar der dei tilsette trivast, der lover vert følgde, kundar vert tilfredse og drifta vert lønsam.


HMS-verksemd i Myklebust Verft skal fremme:

  • Godt arbeidsmiljø

  • Ivaretaking av sikkerheita til dei tilsette

  • Vern mot helse- og miljøskader frå produkt og arbeidsprosessar

  • Hindre forureining av det ytre miljø.

Nøkkeltal for HMS 2022:

  • Sjukefråver: 6,45%

  • Antal personskadar med fråver: 6

  • Sorteringsprosent (mål 90%): 82,75 %


Miljø

Vår verksemd påverkar omgjevnadane lokalt gjennom produksjonsanlegg, og globalt ved at dei skip vi produserer ferdast verda over. Vi skal ha kontroll over miljøpåverknaden frå bedrifta vår, og drive slik at vår aktivitet gjev minst mogleg negativ påverknad. 

 

  • Vi skal arbeide aktivt vidare med berekraftsmåla som er sette

  • Vi skal følgje offentlege miljøkrav som gjeld for vår verksemd

  • Vår aktivitet skal føre til minst mogleg miljømessig ulempe for omgjevnadane våre

  • Vi skal ha tydelege miljømål basert på risikoanalyser, og program for oppfølging av desse

  • Vi skal arbeide for kontinuerlig forbetring av miljøprestasjonane våre

  • Vi skal sikre at alle i vår organisasjon kjenner våre miljømål og korleis vi arbeider for å kontrollere vår miljøpåverknad

  • Vi kommuniserer vår miljøprestasjon internt og eksternt.

Myklebust Verft er sertifisert etter ISO 9001:2015 for kvalitet og ISO 14001:2015 for miljø.

Kvalitet

For gamle og nye kundar skal vi i lag med våre samarbeidspartnarar vere eit godt og trygt verft å kome til.
 

  • Gjennom dialog og samhandling skal vi sikre kvalitet i alle ledd og bygge tillit hjå kunden vår

  • Vårt mål er at kunden skal oppleve at vi er til å stole på, at vi leverer god kvalitet til rett tid, og at våre produkt og tenester innfrir kunden sine krav og forventningar

  • Kvaliteten på arbeidet vi leverer skal vere eit konkurransefortrinn for oss

  • Vi skal gjere ting rett første gang, og ha effektive system for erfaringsoverføring

  • Vi skal systematisk utvikle både den praktiske kunnskapen i organisasjonen og høg formal/teoretisk kompetanse

  • Vi skal aktivt arbeide for stadig forbetring av våre prosessar, tenester og produkt. 

bolge.jpg
 
 

Medansvar

Myklebust Verft er medlem i ulike interesseorganisasjonar. Her er vi med for å lytte til våre bransjekollegaer og for å påverke rammene for industrien - ikkje minst den maritime delen av denne.

Som lærebedrift løftar vi neste generasjon skipsbyggarar inn i den maritime klynga. Slik kan vi fortsette å levere dei skipa framtida etterspør.

Myklebust Verft er godkjend lærebedrift innan desse faga:
• Industrimekanikarfaget
• Industrirørleggarfaget