Dokking nr. 150 i nye-dokka

Onsdag 06. mai 2020 vart dokking nr. 150 utført i nye-dokka. Dette vart markert med kake etter at «Rem Arctic» stod trygt plassert på putene og var på veg opp av vatnet.

 
 
Dokkmannskapet, framme: Joakim Breivik, Remi André Hauge og Ole Roger Sætre. Andre rekke: Karl Johan Lillebø og Marita Myrvågnes. Bakerst: Håvard Gurskevik, Stig Hareide, Terje Knotten, Torstein Tjervåg Drage, Kjell Arne Strømsnes og Harald Riise.

Dokkmannskapet, framme: Joakim Breivik, Remi André Hauge og Ole Roger Sætre. Andre rekke: Karl Johan Lillebø og Marita Myrvågnes. Bakerst: Håvard Gurskevik, Stig Hareide, Terje Knotten, Torstein Tjervåg Drage, Kjell Arne Strømsnes og Harald Riise.

Dokkansvarleg Ole Roger Sætre, reiar/styreleiar Aage Remøy i Rem Maritime og tidlegare dokkansvarleg Arne Sævik. På bruvingen om bord i Rem Arctic skimtar vi skipper Jan Inge Lillebø og mannskapssjef Dina Mari Remøy. (Merk: Aage Remøy er også inne p…

Dokkansvarleg Ole Roger Sætre, reiar/styreleiar Aage Remøy i Rem Maritime og tidlegare dokkansvarleg Arne Sævik. På bruvingen om bord i Rem Arctic skimtar vi skipper Jan Inge Lillebø og mannskapssjef Dina Mari Remøy. (Merk: Aage Remøy er også inne på eigarsida på Myklebust Verft gjennom sin eigardel i selskapet Inyard Invest).

 
 

Det vart ein fin kveld der også reiar Aage Remøy vitja dokk-gjengen og følgde inndokkinga av fartøyet som reiarlaget tok over same dag. Her møtte han også gamle dokk-sjefen vår, Arne Sævik, som var den som leia inndokkinga då same fartøyet var innom dokka rett før det vart levert frå Kleven Verft i 2015, nettopp til Aage Remøy og reiarlaget hans. Aage og Arne var innom mange gode historier heilt tilbake til slutten av på 70-talet då Aage og brørne hans var her med båt på verkstad for første gong.

Utdrag frå slipp-loggen då første Jan Mayen var “slippa”.

Utdrag frå slipp-loggen då første Jan Mayen var “slippa”.

Utdrag frå boka «Frå kjellarverkstad til skipsverft» av Bjarne Rabben.

Utdrag frå boka «Frå kjellarverkstad til skipsverft» av Bjarne Rabben.

 

Nokre merkedatoar og tal:

16.06.2012          
Ankomst ny dokk. Vart kjøpt i St. Petersburg i Russland, slept til Polen der ho mellom anna vart måla og stelt før ho kom til verftet sommaren 2012.

29.08.2012
Første dokkingsoppdraget i ny dokk var fartøyet KV Sortland, eit kystvaktfartøy levert frå verftet som bygg nr. 52 i 2010.

21.12.2012
Gamle-dokka vart seld og forlet MVE.

14.05.2015
Inndokking Rem Arctic. Dette var Arne Sævik si siste dokking før han overlet ansvaret til Ole Roger Sætre. Dokking nr. 50 i nye-dokka.

 
Her halar skipper Lillebø kake om bord til mannskapet.

Her halar skipper Lillebø kake om bord til mannskapet.